ڕۆژا ئێکشەمبی ڕێـککــەڤتی (٢٠٢٥/٤/٢٧) ب ئامادەبوونا بەرێزان (پ.هـ.د. رمضان جعفر مصطفی) هاریکارێ سەرۆکێ زانکۆیێ بۆ کاروبارێن قوتابیان و (د. دلبرین عەلی) ڕاگرێ کۆلیژا پەروەردا بنیات و مامۆستا (نازدار عارف) ڕێڤەبەرا سەنتەرێ یەکسانیا جێندەری ل زانکۆیا زاخۆ، پشکا زمانێ کوردی ل کۆلیژا پەروەردا بنیات ب هەڤکاری لگەل سەنتەرێ یەکسانییا جێندەری ڕابوون ب ڤەکرنا  پێشانگەهەکا فۆلکلۆری ب چالاکی، یاری، داوەت و خوارنێن کوردەواری.
هەژیە بێژین؛ د ئەڤێ پێشانگەهێ دا چەندین چاڵاکیێن جورا و جور یێن گرێدایی فۆلکلۆر و هونەر و چاندا کوردی هاتنە پێشکێشکرن، مەرەم ژێ ساخکرن و بیرئینان بوو ل وی میراتێ مەزن و گرنگێ ژیانا کەڤن و ئەگەرێ مان و دەستکەفتێن مللەتێ مە د نوکە دا.